1983 оны энэ өдөр пауэрлифтингийн мастерсын дэлхийн аварга, “Стронг” клубийн тамирчин, спортын дэд мастер Зоригийн Мөнхзаяа мэндэлжээ. Тэрбээр 2023 онд пауэрлифтингийн УАШТ-ээс алтан медаль хүртсэн. 2023 онд мастерсын ДАШТ-д 63 кг-ын жинд түрүүлж,  дэлхийн аварга хэмээх цолыг хүртэж байлаа.        

      Тэрбээр хүүхэд байхдаа 1990-2010 он хүртэл үндэсний тулааны “Монгол-Зо” урлаг буюу “Монгол карате”- гаар хичээллэж байсан юм.  Харин 2010-2014 оны хооронд амьдралын шаардлагаар спортоос түр хугацаанд хөндийрсөн.  Спортоо орхисны улмаас биеийн илүүдэл жинтэй болж, нойр муудаж , зүрхний асуудал үүсэж эхэлсэн гэдэг. Ингээд алхаж эхэлье гэж шийдээд бага ,багаар алхсаар сүүлдээ бага зэрэг шогшиж, тэгээд л гүйдэг болж, гүйлтийн спортоор хичээллэж эхэлсэн юм билээ.   Улмаар сүүлийн хоёр жил пауэрлифтингийн спортоор хичээллэж байгаа. Одоо тэрбээр гүйлт болон хүчний спортыг хослуулан хичээллэж байгаа билээ.