Монголын хүүхдийн өвлийн спортын VIII наадам Хандгайт дахь мөсөн гулгуурын талбайд “Шорт трейк”-ын төрлөөр эхэллээ. Тус төрлийн 17-18 насны ангилалд Хан-Уул дүүргийн Засаг даргын дэргэдэх өсвөрийн шигшээ багийн тамирчин, Нийслэлийн 130-р сургуулийн сурагчТ.Тэмүүлэн 500 м-ийн зайд уралдаж алтан медаль хүртлээ.

    Тэрбээр 2023 оны хүүхдийн наадмын хошой алтан медальтай. 2024 оны улсын аварга, Индонез Улсын Жакарта хотод зохион байгуулагдсан Ази тивийн баруун бүсийн аварга шалгаруулах тэмцээний буухиа төрөлд хүрэл медальтай юм. Мөн Филипин Улсын Манила хотод зохион байгуулагдсан Зүүн Азийн “SEA TROPHE” тэмцээнээс нэг алт, хоёр мөнгө, нэг и хүрэл медаль хүртсэн шорттрейкийн шилдэг тамирчин билээ.