Эрдэнэт хот Сархиа цанын баазад өнөөдөр өвлийн хүүхдийн спортын наадмын уулын цанын тэмцээн эхлэх гэж байна. Наадмын хамгийн сонирхолтой төрлүүдийн нэг уулын цанын тэмцээн слалом буюу туг сүлжих төрлөөр шилдгүүдээ тодруулна. Тэмцээний эхний гараа 14:00 цагаас эхэлнэ. Харин гүйлтийн цанын тэмцээний хувьд өнөөдөр сүүлийн өдрөө үргэлжлэх бөгөөд охид, хөвгүүдийн багийн буухиа тэмцээн болох хуваарьтай байна. Буухиа тэмцээнд хөвгүүд 4х5км, охид 4х3км зайд уралдана.