Шатрын спорт “И-спорт”-д нэгдсэнтэй холбоотойгоор дэлхийн шилдэг шатарчид энэ жил “И-спорт”-ын дэлхийн цомд аваргын төлөө хүч үзнэ. 2025 оны хоёрдугаар сарын 16-21-ний өдрүүдэд  Chess.com  платформ дээр цахимаар зохион байгуулагдах “Play”-ийн шатны сонгон шалгаруулах тэмцээнд их мастер Д.Батсүрэн, их мастер С.Билгүүн нар оролцох юм байна. Тэд дараагийн шатандаа шалгарвал “The MongolZ” багийг дэлхийн тавцанд төлөөлөн “И-спорт”-д оюун ухааны ноён оргил шатрын спортоор өрсөлдөх юм.