Словак Улсын Саморин хотод өсвөр үеийн жүдо бөхийн Европ тивийн цуврал цомын нээлттэй тэмцээн өндөрлөж байна. Тус цомын аварга шалгаруулах тэмцээний эхний өдөр манай өсвөрийн жүдочин хүүхдүүд нэг алт, нэг хүрэл медаль хүртэж хоёр тамирчин шагналт байрт шалгарсан амжилт үзүүлсэн билээ.

     Европын цомын тэмцээний хоёр дахь өдөр охидын  63 кг-ын жинд өрсөлдсөн “Гүрү Дожо” клубийн тамирчин Хүрэлчулууны Маралмаа алтан медаль, охидын 57 кг-ын жинд өрсөлдсөн “Winner” клубийн тамирчин Машбатын Цэндбазар хүрэл медаль хүртсэн байна.

     Мөн хөвгүүдийн 73 кг-ын жинд өрсөлдсөн “Мон-Алтиус Цагаанбаатар Академи”-ийн тамирчин Баяржавхлангийн Тэмүүлэн 9-р байр, охидын 57 кг-ын жинд өрсөлдсөн Энхболдын Оюундэлгэр шагналт 5-р байрт орсон амжилт үзүүлжээ. Ийнхүү Итали болон Словак Улсуудад зохион байгуулагдсан Европ тивийн нээлттэй цуврал цомын тэмцээнээс манай өсвөрийн жүдочид нийт таван алт, дөрвөн хүрэл медаль хүртсэн амжилтаар Европын цуврал цомын тэмцээнийг өндөрлүүлж байна.

Словак Улсад болсон Европын цомын тэмцээнээс медаль хүртсэн тамирчид:

Х.Маралмаа 63 кг-д алтан медаль “Гүрү Дожо” клуб.

Б. Гүндэгмаа 52 кг-д алтан медаль “Хангарьд” спорт хороо.

М.Цэндбазар 57 кг-д хүрэл медаль “Winner” клуб.

П. Алтанцоож 55 кг-д хүрэл “Мон-Алтиус Цагаанбаатар Академи”.

Н. Тэгш-Очир 60 кг-д 5-р байр “Хангарьд” спорт хороо.

Т. Төгсхүслэн 50 кг-д 7-р байр “Мон-Алтиус” Ахлах Сургууль.

Б.Тэмүүлэн 73 кг-д 9-р байр “Мон-Алтиус Цагаанбаатар Академи”.

Э.Оюундэлгэр 57 кг-д шагналт 5-р байр “Мон-Алтиус Цагаанбаатар Академи”.

Итали Улсад болсон Европын цомын аваргаас медаль хүртсэн тамирчид:

Х.Маралмаа охидын 63 кг-д алтан медаль "Гүрү Дожо" клуб.

Б.Далайцэрэн хөвгүүдийн 73 кг-ын жинд алтан медаль "Winner" клуб.

Н.Тэгш-Очир хөвгүүдийн 60 кг-ын жинд алт "Хангарьд" спорт хороо.

М.Цэндбазар охидын 57 кг-ын жинд хүрэл медаль "Winner" клуб.

Б.Цолмон-Од хөвгүүдийн 60 кг-ын жинд хүрэл медаль "Хангарьд" спорт хороо.