Энэ өдөр жүдо бөхийн ОУХМ Одсүрэнгийн Болд-Эрдэнэ багш мэндэлжээ. О.Болд-Эрдэнэ багш Монголын жюү жицү бөхийн холбооны ерөнхий нарийн бичгийн даргын албыг хашдаг. Тэрбээр жюү жицүгийн спортыг өөрийн эх орондоо хөгжүүлэх, түгээн дэлгэрүүлэхээр олон үйл ажиллагааг гардан хийж байгаа шилдэг удирдагч, менежер юм. Бөхийн спортыг хэрхэн бүх нийтийн спорт болгох вэ гэдгийг үлгэрлэн харуулж байгаа. Асар богино хугацаанд монголын жюү жицүгийн бөхчүүдийг ур чадварыг олон улс, тив дэлхийн түвшинд хүргэн хөгжүүлж чадсан гавьяатан юм.

     О.Болд-Эрдэнэ багш жүдо бөхийн 73 кг-ын жингийн шилдэг тамирчдын нэгэн байлаа. Тэрбээр жүдо бөхөөр Зүүн Азийн аваргаас мөнгө, “Sensei-cup” алт 2008, “RAILWAY CUP-2009” ОУТ, “Chinggis Khaan” World cup”-ээс хүрэл, “POLICE CUP-2010” мөнгө, “Мастерс”-аас алтан медаль хүртэж байв. Харин жюү жицү бөхөөр Азийн аваргаас мөнгө, “ US open”, “New York open”, ДАШТ-ээс хүрэл, “Chicoga Open” олон улсын тэмцээнээс мөнгө “Tokyo Open” тэмцээнээс алт, “American cup ”,  “Nor Cal Open”, 2012, 2013,  оны Азийн аваргаас алт,  2013, 2014, 2015 онд “Мастерс”-ын ДАШТ-ээс алтан медаль хүртэж байлаа. Мөн кураш бөх, бүстэй барилдааны Азийн аварга юм. Жюү жицүгийн монголын анхны хар бүстэн тамирчин юм.