Энэ өдөр Өмнөговь аймгийн Баяндалай сумын уугуул, чөлөөт бөхийн дэлхийн аваргын хүрэл медальт, Ази тивийн аваргын хүрэл, өсвөр үеийн ДАШТ-ий хүрэл, өсвөр үеийн Азийн аварга, Үндэсний шигшээ баг “Хилчин” спорт хорооны тамирчин ОУХМ Занданбудын Занабазар мэндэлжээ.

     З.Занабазар Монголын бөхчүүдээс насанд хүрэгчдийн ДАШТ-ээс 42 дэх хүрэл медалийг авчирснаас гадна гавьяат тамирчин М.Хойлогдорж, Д.Оюунболд, Ц.Цогтбаяр, О.Пүрэвбаатар, Б.Наранбаатар, Э.Бэхбаяр гээд Монголын чөлөөт бөхийн 55-57 кг-ын жингийн үе үеийн алдарт тамирчдын дэлхийн дэвжээнээс авч байсан медалийн буухиаг амжилттай үргэлжлүүлсэн шилдэг бөх билээ.