Монгол Улсад 2023 онд олимп, дэлхийн аваргуудаар багаа бүрдүүлсэн ОХУ-ын уран гулгалтын одод шоу тоглолт болж байлаа. Уг тоглолтын салхийг хагалж нээлтийн үзүүлбэрээ үзүүлсэн Монгол уран гулгагч 16 настай О.Мишээл охин өчигдөр Азийн наадамд ирээдүйтэй уран гулгагч болохоо харууллаа. О.Мишээл  Ази тивийн шилдгүүд чуулсан “ Харбин-2025” Азийн IX наадамд Монгол Улсынхаа нэрийг дуудуулан өрсөлдлөө. Түүний хувьд энэ тэмцээн олон улсын хамгийн анхны бөгөөд хамгийн томоохон тэмцээн нь болж байна.

      Отгонбаатарын Мишээл охин 2006 онд АНУ-д төрж 2020 онд Монгол Улсдаа суурин амьдрахаар ирсэн, АНУ-ын иргэншилтэй. Долоон настайдаа уран гулгалтын спортод хөл тавьж 12 дахь жилдээ уг спортоор хичээллэж байна. Эх орондоо аав, ээжийн хамтаар ирэх үеэр цар тахлын хүндхэн жилүүд таарч бэлтгэлээ цалгардуулсан үе ч түүнд бий.

      Бэлтгэлээ эрчимжүүлэх хүсэлдээ хөтлөгдөн урд, хойд. хөршид ч хамтарсан бэлтгэлд оролцож явжээ. Ингэж явсаар 2023 оноос Япон Улсын Нагояа хотноо Тэцукацу Накашима багшийн удирдлага дор бэлтгэлээ базаасаар байгаа. Тэр өнөөдөр богино үзүүлбэрт 26.32 оноо авч дараагийн шатны өрсөлдөөнд нэрээ үлдээж чадлаа. Олимп, дэлхийн алдартай тамирчид бэлтгэж өөрийн мэддэг чаддаг бүхнээ Монголынхоо бяцхан хүүхдүүдэд заана гэх гоё мөрөөдөлтэй. Ази тивийн наадамд өнөөдөр дахин шинэ хуудас, түүх бичих болов уу.