Мэргэжлийн Сүмо бөхийн 69 дахь Их Аварга Хакүхо М.Даваажаргалын нэрэмжит 15 дахь удаагийн “Хакүхо кап-2025” тэмцээн өнөөдөр болж өндөрлөлөө. Энэ удаагийн тэмцээнд 15 улсын 1100 гаруй сүмоч хүүхдүүд оролцсон байна. Тус тэмцээнд 13 -15 насны ангилалд Тоттори мужийн Жоүхокү ахлах сургуулийн сурагч Т.Чилүгүн алтан медаль, Тоттори мужийн Жоүхокү ахлах сургуулийн сурагч Ө.Хашмаргад хүрэл медаль хүртжээ. Багийн дүнгээр Монгол Улсын баг мөнгөн медаль хүртсэн байна.