Итали Улсын Женoвa хотод өсвөр үеийн дэлхийн чансааны оноо олгох Европын нээлттэй тэмцээн болж байна. Тус тэмцээний эхний өдөр “Эрдэнэт Үйлдвэр” ТӨҮГ-ын “Хангарьд” спорт клубийн тамирчин Нармандахын Тэгш-Очир алтан медаль, Балжиннямын Цолмон-Од хүрэл медаль хүртжээ. Тэд хөвгүүдийн 60 кг-ын жингийн зооны аваргын барилдаанд хоорондоо шалгарч улмаар хамтдаа медалийн тавцанд зогсож төрийн дуулалаа эгшиглүүлсэн байна.

      Мөн өдөр охидын 52 кг-ын жингийн хүрэл медалийн төлөө Болдбаатарын Гүндэгмаа өрсөлдөж, шагналт тавдугаар байрт шалгарчээ. Харин  Нямсүрэнгийн Эрдэмийндалай хоёрдугаар тойрогт ялагдаж өндөр чансаатай тэмцээнд амжилттай оролцсон байна.