Энэ өдөр чөлөөт бөхийн Ази тивийн аварга, ОУХМ Чинболдын Отгонтуяа мэндэлжээ. Зэвсэгт хүчний “Алдар” спорт хороонд  чөлөөт бөхийн хоёр ОУХМ Отгонтуяа байдаг. Харин “Аваргууд академи”-ийн ОУХМ Чинболдын Отгонтуяа 2001 оны энэ өдөр Дорноговь аймгийн Сайхандулаан суманд мэндэлжээ. ОУХМ Ч.Отгонтуяа өсвөр үеийн УАШТ-ээс 2014 онд хүрэл медаль, 2015 онд алт медаль, 2016 онд мөнгө медаль, 2018 онд хүрэл медаль, 2024 онд “U23” ангиллын Ази тивийн аварга болж байсан.

           Харин залуучуудын улсын аварга шалгаруулах тэмцээнээс 2019, 2020, 2021, 2022 онд дараалан дөрвөн алтан медаль авсан.  Насанд хүрэгчдийн улсын аварга шалгаруулах тэмцээнээс 2019, 2021 онд хүрэл медаль, 2022 онд бүх ард түмний их наадмаас алтан медаль, 2022 онд оюутны их наадмаас алтан медаль хүртсэн. 2023 онд насанд хүрэгчдийн УАШТ-ээс алтан медаль, 2024 онд хүрэл медаль, 2025 онд алтан медаль хүртсэн амжилт гаргаад байгаа.

           Түүний анхны багш гэвэл спортын мастер С.Сайнбаяр, А.Зоригбаатар нар юм. Харин одоо тэрбээр МУГТ Цэрэнбаатарын Цогтбаяр. МУГД.Цэрэнбаатарын Хосбаяр, МУГТ Баяраагийн Наранбаатар, МУГТ Бадрахын Одончимэг, МУГТ Ганзоригийн Мандахнаран, ОУХМ Лхамгармаа багш нарын удирдлага дор бэлтгэл сургуулилалтаа хийж байгаа.