Монголын жүдо бөхийн холбооны  “JUDO TOP-6” тэмцээний 60 кг-ын жинд ДАШТ-ий мөнгөн медальт ОУХМ Энхтайваны Ариунболд хоёр дахь ялалтаа байгууллаа. Тэрбээр эхний тойрогт “Тэмүүжин” клубийн Догсомын Билгүүнд ялагдсан. Хаин өөрийн жингийн хүчтэй өрсөлдөгч Энхтайваны Сумъяабазар, энэ оны улсын аваргын мөнгөн медальт “MAGIC TEAM”-ийн Батцэрэнгийн Энэбиш нарыг вазари үнэлгээгээр ялж, түрүүлэх боломжоо хадгалж үлдлээ.

      Түүнийг ялсан Д.Билгүүн, гуравдугаар тойрогт “Шинэбадрах” дэвжээний Төвшинтөрийн Түмэнжаргалд ялагдал хүлээв. Анхдугаар “JUDO TOP-6” тэмцээний аварга Т.Түмэнжаргал нь Бодьрагчаа, Э. Сумъяабазар, Д.Билгүүн нарыг дараалан ялснаар тэмцээнийг тэргүүлж байна.