Хятадын Харбин хотод Азийн өвлийн спортын наадмын нээлтийн ёслол хоёрдугаар сарын 7-ны баасан гарагт болох хуваарьтай ч наадмын тэмцээн уралдаанууд өчигдөр хоёрдугаар сарын 3-ны өдөр эхэллээ. Эрэгтэй хоккейчид өчигдөр өглөө 09:00 цагт тулаанаа эхлүүлж, Киргизстаны баг Кувейтийг нэмэлт цагт 9:8-аар буулган авсан бол дараа нь Сингапурын хоккейчид Бахрейны багийг 20:1-ээр илт давуу ялжээ. Тус наадамд оролцох Монголын багийн эхний хэсэг өнөөдөр тус улсыг зорих юм.