Ази тивийн IX дэх удаагийн өвлийн спортын их наадам БНХАУ-ын Харбин хотноо нээлтээ хийх ойртож байна. “Харбин-2025” наадамд Монгол Улсаа төлөөлөх багийг УИХ-ын гишүүн, Сангийн сайд, Монголын хоккейн холбооны ерөнхийлөгч Б. Жавхлан ахалж оролцоно. Мөн МҮОХ-ны удирдах зөвлөлийн гишүүн Д.Жаргалсайхан орлогч ахлагчаар ажиллах юм.

    Уг наадамд Монгол Улсаас дөрвөн спортын долоон төрөлд 36 тамирчин өрсөлдөх бөгөөд Монголын спортын сэтгүүлчдийн холбооноос 19 хүний бүрэлдэхүүнтэй сэтгүүлч, сурвалжлагчид уралдаан, тэмцээнийг Харбин хотоос шуурхай сурвалжлан хүргэх болно. Манай тамирчдын бэлтгэл сургуулилалт жигдрэж, уралдаан тэмцээндээ оролцоход бэлэн болжээ.