Жүдо бөхийн Үндэсний шигшээ баг, “Жем интернэшнл” ХХК-ийн бөх, МУГТ  Ё.Басхүүгийн жүдо бөхийн салбарт оруулсан үнэтэй хувь нэмрийг нь өндрөөр үнэлэн, “ЖЕМ ИНТЕРНЭШНЛ” компанийн зүгээс “Toyota RAV4” загварын авто машин бэлэг болгон өглөө. Ё.Басхүү нь “ЖЕМ ИНТЕРНЭШНЛ”  компанийн бөх бөгөөд 2019 оноос хойш хамтарч ажиллаж байгаа юм.

      Тэрбээр 2021, 2023 оны ДАШТ-ээс хүрэл медаль, 2022 оны Ази тивийн аварга шалгаруулах тэмцээнээс алтан медаль, “Ханжоу 2022” Азийн наадмаас мөнгөн медаль, “Токио 2023” их дуулгаас мөнгөн медаль хүртсэн. Түүний хувьд жүдо бөхийн дэлхийн аваргаас хошой хүрэл медаль хүртэж, олимпын дэвжээнд медалийн төлөө өрсөлдөж байсан.  “ЖЕМ ИНТЕРНЭШНЛ” компани Ё.Басхүүг 2021 оны жүдо бөхийн дэлхийн аварга шалгаруулах тэмцээнээс хүрэл медаль хүртэхэд 10 сая төгрөгийн мөнгөн шагнал, өргөмжлөл гардуулж байсан билээ.