Хөвсгөл аймгийн Ханх сумын хүүхдүүд өнөөдөр Монголын жүдо бөхийн холбооноос илгээсэн улаан,шар алгалсан сайхан татамигаа хүлээн авлаа.Одоогоос 15 жилийн өмнө Монголын жүдо бөхийн холбооноос санаачлан "Жүдо кидс-Чаки Чан" төсөл хэрэгжүүлж,тус төсөлд оролцсон олон өсвөрийн тамирчид ирээдүйн олимп, дэлхийн медальтнууд болж байв.

      2025 оноос Монголын жүдо бөхийн холбоо "Жүдо кид-2"төсөл дахин хэрэгжүүлэн, 21 аймгийн 330 сумыг жүдогийн татами,багш нарыг нь сургалт арга зүйгээр хангахаар шинэ төслөө хоймор нутгаас өнөөдөр эхлүүлжээ. Энэ их нүсэр ажиллагаатай ,эх орны ирээдүй болсон хүүхэд, залуучуудын төлөө төслийг хэрэгжүүлэн ажиллах санаачилгыг МЖБХ-ны ерөнхийлөгч Халтмаагийн Баттулга гаргасан юм байна.