Азийн өвлийн ес дэх удаагийн наадам эхлэхэд долоо хоног үлдлээ. Энэ удаагийн наадамд биатлон, гүйлтийн цана, кёрлинг, уулын цана, уран гулгалт, снөүборд, хоккей, тэшүүр, шорт трейк, фристайл, цанаар авирах 6 спортын 11 төрлийн 64 зай, ангилалд болох бөгөөд 34 орны 1275 тамирчин хүч сорих юм. БНХАУ-ын Харбин хот Азийн өвлийн наадмыг 29 жилийн дараа хоёр дахь удаагаа хүлээн авах гэж буй бол БНХАУ-ын хувьд түүхэндээ гурав дахь удаагийн өвлийн Азийн наадмыг зохион байгуулах гэж байна.