“Харбин -2025”  ес дэх удаагийн Азийн өвлийн наадам албан ёсоор 2025 оны хоёрдугаар сарын 7-ны өдөр “хөшиг”-өө нээнэ. Гэхдээ олон оролцогчтой спортын төрлүүд болох шайбтай хоккей, кёрлинг зэрэг спортын төрлүүд хоёрдугаар сарын 3 –ны өдөр эхэлнэ.

        Монголын шигшээ тамирчдын тухайд энэ удаагийн наадамд өвлийн дөрвөн спортын долоон төрөлд 36 тамирчны бүрэлдэхүүнтэй оролцоно. Манай улсаас кёрлингийн холимог хосын төрөлд Булганхүүгийн Баяр, Ганбатын Энхзаяа нар өрсөлдөж Монголын багийн салхийг хагална.

       Энэ удаагийн өвлийн наадмын кёрлингийн холимог хосын төрөлд 12 улсын тамирчид өрсөлдөж байгаа юм. Манай баг Япон, Кувейт, Хонконг, Хятадын Тайвань зэрэг улсуудтай нэг хэсэгт багтжээ. Тэд хоёрдугаар сарын 3-нд эхний тоглолтоо хийх юм байна.