Монголын чөлөөт бөхийн лигийн тэмцээн явагдаж байна. Тус гурав дахь удаагийн лигийн тэмцээн энэ жил Монгол Улсын соёлын гавьяат зүтгэлтэн, бөхийн нэрт тайлбарлагч, улсын начин Агвааны Ганбаатар агсны нэрэмжит болон зохион байгуулагдаж байгаа билээ. Лигийн тэмцээний “U-17” насны ангиллын шигшээ барилдаанд хүч үзэх жин тус бүрийн 20 тамирчин тодорсон байна.

     Тус ангиллын 45 кг-ын жинд “Налайх”-ын Г.Сайхансанаа, “Тэх Мөнх”-ийн М.Нямбаяр, 48 кг-д “Тамирчний хөдөлгөөн”-ий Дэлгэрмөрөн, “Налайх”-ын Т.Мөнгөнцоож, 51 кг-д “Алдар”-ын Б.Мөнхтүвшин, “Аваргууд академи”-ийн О.Анар, 55 кг-д “Налайх”-ын Ө.Мөнхбадрал, “Цаст тайга”-ын Ж.Балжинням, 60 кг-д “Налайх”-ын Л.Эрдэнэдалай, “Тэх Мөнх”-ийн Э.Эрдэнэбаяр, 65 кг-д “Алдар”-ын Э.Нарантулга, “Хангарьд”-ын А.Шинэбаяр, 71 кг-д “Алдар”-ын Э.Тэлмэн, “Нью Жен Тим” Б.Баттогтох, 80 кг-д “Аваргууд академи”-ийн А.Анхбаяр, (73-р сургууль)-ийн Б.Буянтогтох, 92 кг-д “Аварга” сургуулийн Г.Өрнөхбаяр, “Тэх Мөнх”-ийн Э.Саруул-Эрдэнэ, 110 кг-д “Тэх Мөнх”-ийн А.Тайванбат, “Төв-Арж”-ийн Ц.Буянтогтох нар хоорондоо барилдахаар шалгарч үлджээ.

     Энэ жилээс анх удаа “U15” насны ангилал нэмэгдэж байна. Багууд хэсэгт хуваагдан өрсөлдөх бөгөөд жин тус бүрийн хамгийн их ялалт авсан тамирчид хоёрны нэгийн шигшээд өрсөлдөж аваргын төлөө барилдах эрхээ авна. Сурагчдын амралт дуусах хугацаатай холбогдуулж “U15”, “U17” насны тэмцээн эхний өдрүүдэд зохиогдоно. Тэмцээн Чингэлтэй дүүргийн спорт хорооны ордонд зохион явагдаж байгаа.