Мөсний загасчлалын “Дархан цом-2025” тэмцээн 2025 оны 01 дүгээр сарын 25-ны Бямба гарагт Түшиг уул ХХК-ийн хиймэл нууранд зохион байгуулагдлаа. Тэмцээнд зургаан багийн тамирчин дасгалжуулагч, нөөц тамирчид нийлсэн 30 орчим хүн оролцсон байна. Энэ жилийн тэмцээн идэр есийн хүйтэнд салхи ихтэй хүнд тэмцээн боллоо гэж оролцогчид дүгнэж байв. Авхаалж самбаа, ур чадвараа сорин амжилттай оролцож хамгийн том загасыг барьсан залуу тамирчин Б.Наранбаатар ”Big fish” дэлгүүрийн гарын бэлгээр шагнуулав.

Багийн дүнгээр:

1-р байрт 11 оноогоор “ГАН ЗЭВЭГ-2”  баг шалгарч, алтан медаль,”ДАРХАН ЦОМ” хүртлээ.

2-р байрт 12 оноогоор “Хархираа” баг орж, мөнгөн медаль.

3-р байрт 13 оноогоор “ГАН ЗЭВЭГ-1” баг орж, хүрэл медаль тус тус хүртлээ.

Хувийн дүнгээр:

1-р байрт “Ган зэвэг” клубийн тамирчин Хосбаяр.

2-р байрт “Хархираа” багийн тамирчин О.Энхболд.

3-р байрт Б.Наранбаатар нар шалгарч өргөмжлөл, медаль, мөнгөн шагналын эзэд боллоо.

Тэмцээний ерөнхий шүүгчээр Дарханы загасчлалын спортын холбооны нарийн бичиг, Монгол Улсын загасчлах спортын шүүгч Э.Ууганбаатар, шүүгчээр тус холбооны шүүгч Б.Бямбадорж, Б.Пүрэвсүрэн, Б.Амархүү, М.Амарсанаа нар ажилласан байна.