Швейцарын Саас Фээд зохиогдож байгаа ОУУХ(UIAA)-ны мөсөнд авиралтын дэлхийн цомын аварга шалгаруулах тэмцээн болж байна. Тус дэлхийн цомын эмэгтэй хурдны төрөлд "Сутайн бор"клубийн тамирчин, МУБИС-ийн Биеийн Тамирын сургуулийн Спорт аялал жуулчлалын ангийн оюутан ОУХМ Н.Сэлэнгэ алтан медаль хүртэж дэлхийн цомын аварга боллоо.

      Монгол Улсаас мөсөнд авиралтын дэлхийн цомын аваргын алтан медаль хүртсэн анхны эмэгтэй тамирчин ОУХМ Н.Сэлэнгэ дэлхийн цомын аварга шалгаруулах тэмцээний мөнгө, дэлхийн аварга шалгаруулах тэмцээний хүрэл медальтай билээ.

     Мөсөнд авиралтын эрэгтэй хурдны төрөлд ОУХМ, дэлхийн цомын аварга , ОУХМ Ч.Мандахбаяр мөнгөн медаль хүртсэн байна.  ОУХМ Н.Хэрлэн энэ удаагийн тэмцээнд VII байр, спортын мастер О.Сайханжаргал XXVII байр тус тус эзэллээ.