“Москва-1980” олимпын наадмын хүрэл, “Мехико-1978” ДАШТ-ий хүрэл медальт, Монгол Улсын гавьяат тамирчин Дугарсүрэнгийн Оюунболд агсны нэрэмжит Монголын чөлөөт бөхийн холбооны 2025 оны насанд хүрэгчдийн улсын аварга шалгаруулах тэмцээн өчигдөр өндөрлөж, жин жингийн медальтнууд тодорлоо. Тэмцээний эмэгтэйчүүдийн багийн нийлбэр дүнгээр “Алдар” спорт хороо тэргүүлж, БГД-ийн “Аваргууд академи”, “Хилчин” спорт хороо удаалав. Харин эмэгтэйчүүдэд “Алдар” спорт хороо түрүүлж, “Хилчин”, БГД-ийн “Аваргууд академи” баг удааллаа.

       Энэ удаагийн чөлөөт бөхийн эрэгтэйчүүдийн 62, эмэгтэйчүүдийн 27 дахь удаагийн насанд хүрэгчдийн УАШТ-д 22 байгууллагын 265 тамирчин эрэгтэй, эмэгтэй 10 жинд өрсөлдсөн. Эрэгтэй, эмэгтэй зарим нэг хөнгөн жинд цөөн тамирчин өрсөлдөв. Эмэгтэйчүүдийн 50 кг-ын жинд МУГТ Д.Отгонжаргал хагалгаанд ороод барилдаагүй. 53 кг-д МУГТ Б.Болортуяа давхар биетэй, ОУХМ Д.Отгонжаргал ээж болсон, ОУХМ Б.Хулан бэртэлтэй учир барилдаагүй. Эмэгтэйчүүдийн 57 кг-д ОУХМ Б.Хонгорзул, МУГТ Э.Даваачимэг, Б.Эрдэнэсувд нар барилдсангүй. 59 кг-д өмнөх жилийн улсын аварга Б.Анударь, 76 кг-д ОУХМ Загардулам ороогүй. Эрэгтэйчүүдийн 61 кг-д ОУХМ  Н.Наранхүү бэлтгэлтэй байгаа. 57 кг-д ОУХМ Н.Насанбуян барилдсангүй. Харин эмэгтэйчүүдийн 62 кг-ын жинд  манай хоёр дэлхийн аварга МУГТ П.Орхон, МУГТ С.Цэрэнчимэд нар гайхамшигтай, үзэгч, бөх сонирхогчдын сэтгэлийг сэргээсэн сайхан өрсөлдөөнийг үзүүллээ. ДАШТ-ий хүрэл медальт, ОУХМ Т.Түвшинтулга, ОУХМ З.Занабазар нар 61 кг-ын жингийн финалд мөн л сайхан өрсөлдөөнийг харуулж чадлаа. Эрэгтэйчүүдийн 125 кг-ын жинд хамгийн олон бөх барилдсан нь бахархууштай сайн зүйл байлаа.

      Энэ жилийн УАШТ зохион байгуулалтын хувьд өмнөх жилүүдийн УАШТ-ээс сайн боллоо. Харин шүүгчдийн ур чадвар үнэхээр чамлалттай байсан. Шүүгчдэд мэдлэг, туршлага, мэдрэмж алга байлаа. Монголын чөлөөт бөхийн холбоо үнэхээр шинэчлэгдэж өөрчлөгдсөн байна. УАШТ болгон нь хэрүүл, маргаан, “хэл ам” дагуулдаг байсан. Харин  тэр байдал үгүй болжээ. МЧБХ-ны ерөнхийлөгч Я.Содбаатар, ерөнхий нарийн бичгийн дарга Мянганбаяр, Энхтуяа нарт талархаж байна.

       УАШТ-д зэвсэгт хүчний “Алдар” спорт хороо хамгийн олон тамирчдыг оруулж, хамгийн олон жинд түрүүлж байна. Монголын чөлөөт бөхөд ур чадвартай олон шинэ залуу тамирчдыг бэлтгэн, гаргаж, насанд хүрэгчдийн УАШТ-д оруулсан “Алдар” спорт хорооны МУГД Ц.Хосбаяр, МУГТ Г.Мандахнаран, МУГТ Б.Одончимэг багш нарт баярлахгүй байхын аргагүй. Мөн БГД-ийн “Аваргууд академи”, “Хилчин” спорт хорооны дасгалжуулагч нарт баярлалаа. Харин УАШТ-д тогтмол амжилт гаргадаг “Хасумега старс” багийн  өмнөх эрч, хүч жаахан суларчээ. Тус клубийн  “Дархан” баг харин энэ удаагийн УАШТ-д боломжийн хэмжээнд оролцсон. “Женко” клуб чухам ямар шалтгаанаас УАШТ-д оролцоогүй юм бол. Тэд өрсөлдөөний гадна үлдлээ.

УАШТ-ИЙ НЭГДСЭН ДҮН:

Эрэгтэйчүүдийн 57 кг-ын дүн:

1. Б.Мөнх-Эрдэнэ (Төгс)

2. С.Жигүүр (МЧБХ)

3. М.Даваабанди (Алдар)

3. Л.Мөнх-Од (БГД Аваргууд академи)

61 кг-ын дүн:

1. Т.Түвшинтулга (БГД Аваргууд академи)

2. З.Занабазар (Хилчин)

3. Н.Ганбаяр (Цаст Тайга)

3. Э.Энхболд (Аврагч)

65 кг-ын дүн:

1.Ц.Цогбадрах (Алдар)

2.Д.Төрбаяр (БГД Аваргууд академи)

3.Б.Зэнээмэдэр (Тэх Мөнх)

3.Б.Гантулга (Тэх Мөнх)

70 кг-ын дүн:

1.Т.Тулга (Хүч)

2.Б.Өсөхбаяр (МЧБХ)

3.Т.Өглөөжаргал (New Gen Team Спортын Төв сургууль)

3.А.Анх-Эрдэнэ (Налайх)

74 кг-ын дүн:

1. Б.Батбаяр (Дархан Хасу Fohow)

2. Э.Төгсжаргал (Дархан Хасу Fohow)

3. Ш.Дэлэг (Хилчин)

3. М.Толуй (Тэх Мөнх)

79 кг-ын дүн:

1.О.Сүлдхүү (Алдар спорт хороо)

2.Ж.Далайцэрэн (New Gen Team, Спортын төв сургууль)

3.Я.Ерөөлт (Төгс дэвжээ)

3.С.Бямбабаяр (БГД Аваргууд академи)

86 кг-ын дүн:

1. Н.Батбилгүүн (Алдар)

2. Э.Бямбадорж (Баянхонгор)

3. Б.Бямбадорж (Сүлд)

3. Г.Даянбилэг (БГД Аваргууд академи)

92 кг-ын дүн:

1. Б.Бат-Эрдэнэ (Хилчин)

2. Т.Дэмчигдорж (Алдар)

3. Д.Дэлгэрдалай (New Gen Team Спортын Төв сургууль)

3. М.Баяржавхлан (New Gen Team Спортын Төв сургууль)

97 кг-ын дүн:

1. Г.Ганхуяг (Алдар)

2.Ө.Шийрэв (Алдар)

3.Н.Шинэтөр (МЧБХ)

3.Д.Оргилох (Аврагч)

125 кг-ын дүн:

1. М.Лхагвагэрэл (Хилчин)

2. Ч.Алтангэрэл (Хилчин)

3. Н.Золбоо (Хүч)

3. Э.Батмагнай (Алдар)

Эмэгтэйчүүдийн 50 кг-ын дүн:

1.Б.Мөнхнар (Алдар)

2.М.Мөнхгэрэл (Оргил)

3.Г.Оюундарь (БГД Аваргууд академи)

3.Ч.Номин (Тэх Мөнх)

53 кг-ын дүн:

1. Ч.Отгонтуяа (Алдар)

2. Ц.Намуунцэцэг (Дархан Хасу FOHOW)

3. Б.Халиун (Хилчин)

55 кг-ын дүн:

1. Б.Отгонтуяа (Алдар)

2. М.Дөлгөөн (Алдар)

3. Э.Буман-Аюуш (Баянхонгор)

57 кг-ын дүн:

1.Х.Болортуяа (Аврагч спорт хороо)

2.Б.Энхтүвшин (Аврагч спорт хороо)

3.Ү.Мөнхчимэг (Төв Арж)

3.М.Рэнцэнханд (Тэх Мөнх)

59 кг-ын дүн:

1.Т.Алтжин (Хилчин)

2.Э.Гантуяа (Хилчин)

3.М.Номин-Эрдэнэ (Хилчин)

3.Б.Хоролгарав (Дархан Хасу Fohow)

62 кг-ын дүн:

1. С.Цэрэнчимэд (Алдар)

2. П.Орхон (Алдар)

3. Э.Саруул (БГД Аваргууд академи)

65 кг-ын дүн:

1. Т.Энхжин (Алдар)

2. Э.Одгэрэл (Төв Арж)

3. Б.Майцэцэг (БГД Аваргууд академи)

68 кг-ын дүн:

1. Э.Дэлгэрмаа (Хүч)

2. Б.Ганцэцэг (Дархан Хасу Fohow)

3. А.Даваажаргал (Налайх)

72 кг-ын дүн:

1.З.Болортунгалаг (Хилчин)

2.Д.Цогзолмаа (Алдар)

3.П.Номин-Эрдэнэ (Алдар)

76 кг-ын дүн:

1.Э.Даваанасан (Алдар)

2.Г.Уртнасан (Хилийн цэргийн 0303-р анги)

3.О.Цэлмүүн (New Gen Team Спортын Төв сургууль)

БАГИЙН ДҮНГЭЭР “АЛДАР” СПОРТ ХОРОО АВАРГАЛАВ

      2025 оны УАШТ-ий багийн дүнгээр “Алдар” спорт хороо тэргүүллээ. “Алдар”-ын бөхчүүд эрэгтэй, эмэгтэй багийн төрөлд аль алинд нь өнгөлсөн юм.

БГД-ийн "Аваргууд академи" эмэгтэй багийн дүнгээр хоёрдугаар байр, эрэгтэй багийн дүнгээр гуравдугар байрт орсон. “Хилчин” спорт хороо эрэгтэй багийн дүнгээр хоёрдугаар байр,  эмэгтэй багийн дүнгээр гуравдугаар байрт шалгарсан юм.

Эмэгтэй багийн дүн:

1. “Алдар” спорт хороо

2.БГД  “Аваргууд академи”

3.”Хилчин” спорт хороо

Эрэгтэй багийн дүн:

1.”Алдар”

2.”Хилчин”

3.БГД “Аваргууд академи”.