Азийн олимпын зөвлөлийн тамирчдын хорооны нэг суудлын төлөө зургаан нэр дэвшигч өрсөлдөхөөр болсон байна. Сонгууль “Харбин - 2025” Азийн өвлийн наадмын үеэр болох бөгөөд хамгийн анх БНХАУ-ын Ханжоу хотод болсон 19-р Азийн наадмын үеэр Азийн олимпын зөвлөлийн тамирчдын хорооны сонгууль болж Зүүн Ази, Өмнөд Ази, Зүүн Өмнөд Ази, Төв Ази, Баруун Азийн бүсүүдээс есөн төлөөлөгчийг сонгож байсан юм. Энэ удаад өвлийн спортын тамирчны нэг төлөөллийг “Харбин – 2025” Азийн өвлийн наадмын үеэр сонгох болно.

Зургаан нэр дэвшигчдийг танилцуулбал:

• Наруми Такахаши – Япон, Уран гулгалт

• Аиза Мамбекова – Казахстан, Уран гулгалт

• Ким Хо Жун – БНСУ, Снөүборд

• Занг Изе – БНХАУ, Шорт Трейк

• Комилжон Тухтаев – Узбекистан, Уулын цана

• Ли Вен И – Хятадын Тайвань, Уулын цана

     Азийн олимпын зөвлөлийн дэд захирал Винод Тивари, нэр дэвшигчдийн жагсаалт нь тамирчдын ажиллах сонирхол нэмэгдэж байгааг харуулж, дэлхийн олимпизмын хөдөлгөөнд тамирчдын дуу хоолой нэмэгдэж байна гэдгийг онцлон тэмдэглэлээ.

      Тэрбээр: “Юуны түрүүнд, Харбин хотод болох сонгуульд нэрээ дэвшүүлсэн зургаан нэр дэвшигчдэд талархал илэрхийлье. Бүх нэр дэвшигчид өвлийн спортын арвин туршлагатай бөгөөд тэд өөрсдийн өвөрмөц бодол, үлгэр жишээ байдлаараа Азийн олимпын зөвлөлийн тамирчдын хороонд үнэ цэнийг нэмнэ гэдэгт би итгэлтэй байна. Азийн олимпын зөвлөл нь тамирчдыг олимпизмын хөдөлгөөний гол цөмд үргэлж тавьсаар ирсэн” гэжээ.