Чөлөөт бөхийн 2025 оны насанд хүрэгчдийн УАШТ-ий 70 кг-ын жинд, ДАШТ-ий хүрэл медальт, “Хүч” спорт хорооны тамирчин, МУГТ Төмөр-Очирын Тулга жин өгсөн барилдаж алтан медаль хүртэв. Тэрбээр ийнхүү УАШТ-ээс дөрөв дэх түрүүгээ авлаа. Мөнгөн медалийг Б.Өсөхбаяр,  хүрэл медалийг А.Анх-Эрдэнэ, Т.Өглөөжаргал нар хүртэв.

    Т.Тулга аваргын төлөөх барилдаанд Б.Өсөхбаярыг оноогоор цэвэр ялсан. Б.Өсөхбаярын хувьд өмнө нь УАШТ-ээс хоёр хүрэл медаль аваад байсан бол энэ удаа мөнгө дээр буув. Т.Өглөөжаргал УАШТ-ий хоёр дахь хүрэл медалиа хүртсэн бол А.Анх-Эрдэнэ насанд хүрэгчдийн УАШТ-ий анхны медалиа өөрийн болгосон юм.

70 кг-ын дүн:

1.Т.Тулга (Хүч)

2.Б.Өсөхбаяр (МЧБХ)

3.Т.Өглөөжаргал (New Gen Team)

3.А.Анх-Эрдэнэ (Налайх)