Чөлөөт бөхийн 2025 оны насанд хүрэгчдийн УАШТ-ий 61 кг-д “Хилчин” спорт хорооны тамирчин, ДАШТ-ий хүрэл медальт, Азийн аваргын мөнгөн медальт З.Занабазар, “Баянгол*Аваргууд” академийн бөх, ДАШТ-ий хүрэл, Азийн аваргын хошой хүрэл медальт ОУХМ Т.Түвшинтулга нар үзүүр, түрүүнд шалгарав.  Т.Түвшинтулга улсын аваргаар тодорлоо. Насанд хүрэгчдийн УАШТ-ээс хоёр түрүүтэй З.Занабазар сүүлийн хоёр жилд дараалж үзүүрлэж байна.Харин “Цаст тайга” клубийн тамирчин Н.Ганбаяр, “Аврагч” спорт хорооны бөх Э.Энхболд нар хоёул өрсөлдөгчөө цэвэр ялж хүрэл медалийн эздээр тодорлоо.