Гавьяат тамирчин Д.Оюунболд агсны тэртээ 1980 онд олимпын наадмаас хүрэл медаль авчирч байсан 57 кг-ын жинд “Төгс” дэвжээний бөх, “U23” хүртэлх насныхны ДАШТ-ий хүрэл медальт Б.Мөнх-Эрдэнэ, Монголын чөлөөт бөхийн холбооны тамирчин, “U23” хүртэлх насныхны Монгол Улсын аварга С.Жигүүр нар финалдлаа. Энэхүү барилдаанд цэвэр ялсан Б.Мөнх-Эрдэнэ хоёр дахь жилээ дараалан насанд хүрэгчдийн УАШТ-д түрүүлэв. “Алдар” спорт хорооны бөх 23 хүртэлх насныхны Азийн аваргын хүрэл медальт М.Даваабанди эл жингийн насанд хүрэгчдийн УАШТ-ээс хоёр жил дараалан хүрэл медаль зүүлээ. Харин энэ жингийн нөгөө хүрэл медалийг “Баянгол Аваргууд” академийн тамирчин Л.Мөнх-Од гардсан юм.