Азийн ес дэх удаагийн өвлийн наадам Хятадын Харбин хотод 2025 оны хоёрдугаар сарын 7-14-ний өдрүүдэд зохион байгуулагдана. Наадмын  уралдааны талбай нь Ябули цанын баазад байрлаж байна. Энд цасны спортын гурван том, зургаан салбар, 32 жижиг төрлийн тэмцээнийг зохион байгуулна. Ябули цанын бааз нь гадаад дотоодод алдартай аялал жуулчлал, өвлийн спортын бааз юм.

     Азийн өвлийн наадам нийт 11 спортын 64 төрлөөр зохион байгуулагдана.Үүнд уулын цана, биатлон, гүйлтийн цана, кёрлинг, уран гулгалт, фристайль цана, хоккей, шорт трек, тэшүүр, снөүборд, цанаар авирах гэсэн спортууд багтаж байна. Цанаар уул руу авирах спорт анх удаагаа Азийн өвлийн наадмын хөтөлбөрт багтсан бол Ази тивийн нийт 34 орны 1500 гаруй тамирчин энэ удаагийн наадамд оролцохоор болсон нь өмнөх наадмуудын оролцогчдын тоог давж байгаа юм.