Холбоодын нэгдсэн УАШТ-ий бадминтоны 24 дэх удаагийн насанд хүрэгчдийн УАШТ эрэгтэй хосын төрлөөр өндөрлөлөө. Тус төрөлд “Хадун” клубийн Ж.Гэрэлсүх, А.Тамирын хос итгэл төгс төрүүлэв. Ж.Гэрэлсүх эрэгтэй хосын төрлөөр УАШТ-ий зургаа дахь алтан медалиа авсан бол залуу тамирчин А.Тамир анх удаа улсын аварга болов.

     Ганцаарчилсан төрлийн аварга Э.Сумъяасүрэн энэ удаа нэг клубийн Б.Баттөгсийн хамтаар эрэгтэй хосод аман хүзүүдсэн. Тэд өнгөрсөн жил хүрэл медаль авсан амжилтаа ийн ахиулжээ. Хашир туршлагатай ОУХМ-ын хослол болсон О.Энхбат, М.Золзаяа нар хүрэл медалийн эзэд болсон. О.Энхбатын хувьд энэ жилийн УАШТ-ийг алт, мөнгө, хүрэл медаль авсан амжилтаар өндөрлүүллээ. Харин М.Золзаяагийн хувьд эрэгтэй хосын төрөлд өмнө нь найман удаа аваргалж байв.

Эрэгтэй хосын дүн:

1.Ж.Гэрэлсүх, А.Тамир “Хадун” клуб.

2.Б.Баттөгс, Э.Сумъяасүрэн “Хадун” клуб.

3.О.Энхбат “МАК” ХХК, М.Золзаяа “SRP” клуб.

Эмэгтэй хосын дүн:

1.Г.Мягмарцэрэн “Shuttle” клуб. Г.Уранзул “Хэнтий”

2.Ч.Өнх-Энх, Э.Мөнх-Ундрал (Хөвсгөл).

3.Ч.Хулангоо, Г.Энхжин (Эрдэнэт).

       2025 оны бадминтоны УАШТ-ий холимог хосын төрөлд О.Энхбат, М.Болор-Уянга нарын хос алтан медаль хүртлээ. ОУХМ О.Энхбатын хувьд холимог хосын тэмцээнд 11 дэх удаагаа түрүүлж байна. Харин М.Болор-Уянга өмнө нь эмэгтэй хосын төрлөөр УАШТ-ээс хоёр мөнгөн медаль авч байсан билээ.

      Мөнгөн медалийг “Хадун” клубийн Б.Баттөгс, “Shuttle” клубийн Г.Мягмарцэрэн нар авсан. Г.Мягмарцэрэнгийн хувьд энэ жилийн УАШТ-ээс ганцаарчилсан төрөлд мөнгө авч, эмэгтэй хосод түрүүлээд байсан бол ийнхүү гурав дахь медалиа өөрийн болгосон юм.

      Хүрэл медалийг “Хадун” клубийн хос болох Ж.Гэрэлсүх, У.Дэлгэрмаа нар хүртсэн. Ж.Гэрэлсүх өмнө нь эрэгтэй хосын төрлөөр таван алт, холимог хосоор нэг алт, хоёр хүрэл медаль авч байв. Харин У.Дэлгэрмаа холимог хосын төрлөөр таван алт, нэг мөнгө, хүрэл хүрэл медальтай болж байна.

Холимог хосын дүн:

1.О.Энхбат “МАК” ХХК, М.Болор-Уянга “Ёл” клуб.

2.Б.Баттөгс “Хадун”, Г.Мягмарцэрэн “Shuttle” клуб.

3.Ж.Гэрэлсүх, У.Дэлгэрмаа “Хадун” клуб.

Эрэгтэй ганцаарчилсан төрлийн дүн:

1. Э.Сумъяасүрэн “Хадун” клуб.

2. О.Энхбат “МАК” ХХК.

3. А.Тамир “Хадун” клуб.

      Бадминтоны 2025 оны УАШТ-ий эрэгтэй ганцаарчилсан төрөлд “Хадун” клубийн тамирчин, спортын мастер Э.Сумъяасүрэн түрүүллээ. Тэрбээр финалд ОУХМ О.Энхбатыг 21:12, 21:19-өөр буулгаж авсан юм. Энэ нь түүний ганцаарчилсан төрлийн дөрөв дэх алтан медаль байлаа. Э.Сумъяасүрэн өмнө нь 2019, 2020, 2023 онд түрүүлж байв.

      Мөнгөн медалийн эзэн О.Энхбатын хувьд ганцаарчилсан төрлөөр улсад 11 удаа түрүүлсэн нэгэн. Мөн эрэгтэй хосоор 12, холимог хосын төрлөөр 10 удаа түрүүлсэн, бадминтоны спортыг нэгэн цагт эзэгнэж явсан шилдэг тамирчин билээ.

      Хүрэл медалийг “Хадун” клубийн тамирчин, спортын дэд мастер А.Тамир авсан. Тэрбээр медалийн төлөөх тоглолтын эхний сетэд 11:21-ээр хожигдсон ч удаах хоёр сетэд 21:15, 21:13-аар илүүрхсэн юм. Энэ нь түүний насанд хүрэгчдийн УАШТ-ээс авсан анхны медаль байлаа.

Эрэгтэй ганцаарчилсан төрлийн дүн:

1.Э.Сумъяасүрэн “Хадун” клуб.

2.О.Энхбат “МАК” ХХК.

3.А.Тамир “Хадун” клуб.