Тажикистан Улсын жүдо бөхийн шигшээ багийн тамирчид Монголд хамтарсан бэлтгэл хийхээр ирээд байна. Тус улсын ахлах дасгалжуулагч Фотех Махмадбеков, “Парис-2024” олимпын наадмын хүрэл медальт, дэлхийн аварга шалгаруулах тэмцээний хүрэл медальт, залуучуудын дэлхийн аварга Сомон Махмадбеков, “Улаанбаатар”, “Душанбе” их дуулгуудын мөнгө, “Токио” их дуулгын хүрэл медальт Обид Жебов, Азийн цомуудын аварга Жахонгир Мажидов, залуучуудын дэлхийн аваргын хүрэл медальт Асадуллоев тэргүүтэй жүдочид манай шигшээ багтай хамтарсан бэлтгэлд хийж эхэллээ. Мөн энэхүү хамтарсан бэлтгэлд ОХУ-н Красноярск, Тюмен хотуудын жүдогийн баг, Казахстан Улсын Абай мужийн жүдо бөхийн багууд хамрагдаж Япон Улсын дасгалжуулагч Тацүаки Эгүса удирдаж байна.