Холбоодын нэгдсэн УАШТ-ий хүндийн өргөлтийн эрэгтэйчүүдийн 71, эмэгтэйчүүдийн 28 дахь удаагийн УАШТ “Буянт-Ухаа” спортын ордонд хоёр өдөр үргэлжилж, өчигдөр амжилттай өндөрлөлөө. Тэмцээнд 24 байгууллагын 108 тамирчин нийт 10 жинд өрсөлдсөн юм. УАШТ-д “Алдар” спорт хороо бүх жинд тамирчнаа оруулж, эрэгтэй, эмэгтэй багийн дүнгээр тэргүүлэв.

Эрэгтэй багийн дүн:

1.”Алдар” спорт хороо 131 оноогоор алтан медаль.

2.Хан-Уул дүүрэг, “Ээрмэл-1” 107 оноогоор мөнгөн медаль.

3.Өвөрхангай аймаг 101 оноогоор хүрэл медаль.

Эмэгтэй багийн дүн:

1.”Алдар” спорт хороо 125 оноогоор алтан медаль.

2.Хан-Уул дүүрэг, “Ээрмэл-1” 117 оноогоор мөнгөн медаль.

3.”Батсол ХХК” 113 оноогоор хүрэл медаль хүртэв.

УАШТ-ий үеэр гавьяат тамирчин М.Анхцэцэг өөрийн нэрэмжит “Алтан бүс” шагналыг өөрийнх нь 2020 онд тогтоож байсан рекордыг шинэчилсэн ОУХМ, 81 кг-ын аварга О.Төгс-Эрдэнэд гардуулан өгсөн юм. Мөн 2024 оны “Шилдэг шүүгч”-ээр шалгарч, “Бөртэ чоно”-ын эзэн болсон ч тухайн үед ДАШТ-ийг шүүгээд эзгүй байсан олон улсын шүүгч Л.Одгэрэлд хаалтын ёслолын үеэр шагналыг нь гардуулан өглөө.