Холбоодын нэгдсэн УАШТ-ий  хүндийн өргөлтийн тэмцээн болж байна. Хүндийн өргөлийн 2025 оны УАШТ-ий эрэгтэйчүүдийн 102 кг-ын жинд ОУХМ А.Амартөгс итгэл төгс түрүүллээ. Энэ нь түүний УАШТ-ий 16 дахь түрүү юм.  Харин “Самбуу сан” клубийн тамирчин А.Ичинноров насанд хүрэгчдийн УАШТ-ээс гурав дахь мөнгөн медалиа хүртсэн. Залуу тамирчин Т.Энх-Амгалан насанд хүрэгчдийн УАШТ-ээс анхны хүрэл медалиа авлаа. “Уран Шивээ” ХХК-ийн 15 настай тамирчин М.Даваажаргал энэ жинд 4-р байр эзэлсэн юм.

102 кг-ын жингийн дүн:

1.А.Амартөгс “Алдар” спорт хороо, “Эрдэнэс таван толгой” ХХК- ийн тамирчин. Тэрбээр огцом өргөлтөөр 120 кг, түлхэлттэй өргөлтөөр 142 кг, хоёр нийлбэр 262 кг-аар алтан медаль хүртсэн.

2.А.Ичинноров  “Самбуу сан-2” клубийн тамирчин. Тэрбээр огцомоор 110 кг, түлхэлттэй өргөлтөөр141 кг, хоёр өргөлтийн нийлбэр 251 кгаар мөнгөн медаль хүртсэн.

3.Т.Энх-Амгалан Хан-Уул дүүрэг, “Ээрмэл-1” клубийн тамирчин. Тэрбээр огцомоор 110 кг, түлхэлттэй өргөлтөөр 131 кг, хоёр өргөлтийн нийлбэр 241 кг-аар хүрэл медаль хүртсэн.