Төв аймгийн БТСГ-ын дэргэдэх чөлөөт бөхийн “Төв-Арж” клуб жил бүр Төв аймгийнхаа сум, сургуулиудаар уламжлал болгон зохион байгууллагддаг нэгдсэн бэлтгэл цугларалт эхэллээ.  Тэд 2025 оны өвлийн эхний бэлтгэлээ Төв аймгийн Алтанбулаг суманд энэ сарын 5-ны өдөр эхлүүлэн амжилттай үргэлжлүүлж байна.

    Тус бэлтгэл нь 14 хоног үргэлжлэх бөгөөд Төв аймгийн Алтанбулаг, Батсүмбэр, Баянхангай, Лүн, Заамар, Жаргалант, Угтааалцайдам сумдууд, Зуунмод хотын ЕБ-ын сургуулиуд,  ХЦС, Спортын сургууль, Улаанбаатар хотын Чингэлтэй дүүргийн өсвөр үеийн шигшээ багийн 104 хүүхэд хамрагдан дөрвөн ээлжээр хичээллэж байгаа юм.

     Бэлтгэлийг “Төв-Арж” клубийн дасгалжуулагч ОУХМ Л.Энхбаяр, Угтаалцайм сумын багш Ж.Зориг, Батсүмбэр сумын багш Б.Бат-Эрдэнэ, ХЦС-ын багш С.Баттөр, Чингэлтэй дүүргийн  дасгалжуулагч спортын мастер Б.Бат-Эрдэнэ нар удирдан явуулж эхэллээ.