Бөхөд хайртай монгол түмнийхээ дунд “Цахилгаан зоригоо” хэмээн алдаршаад байгаа Архангай аймгийн Батцэнгэл сумын харьяат Б.Зоригтбаатар Өвөрмонголд болж буй барилдаанд ёстой бужигнуулж байна. Түүнийг Өвөрмонгол бөх тайлбарлагчид “Ар Монголд ташаал өгөгч цахилгаан зоригоо” хэмээн нэрийдээд буй. Энэ жил Өвөрмонголыг зорьсон бөхчүүд Архангай аймгийн “Бөх Билэгт” дэмжээний нэр дээр барилдаж байгаа юм. Өөрийн хурд хүч, авхаалж самбаа, уран тансаг барилдаанаараа үзэгчдийн хайрыг татдаг Б.Зоригтбаатар Монгол Улсын даян аварга Н.Жамъяангийн зээ хүү Г.Батбаяр харцагын гарын шавь билээ.

Үндэсний бөхийн өвөрмөц содон дүр, уран тансаг барилдаанаараа гайхуулж яваа эгэл малчны хүү үнэн зоригт харцага. Түүний барилдааныг шимтэн үзэж, ам уралдан ярих бөх сонирхогчид даан ч олон билээ.

          Монгол үндэсний бөхөд ёстой л хийморьтой гэгч нь гялалзаж яваа Б.Зоригтбаатар харцага уран хурц барилдаанаараа салхилсаар байгаад Өвөрмонголчуудын хайрыг татлаа. Түүнийг элэгт нэгт ахан дүүс ам уралдан магтаж, хурд, хүч, торгон мэдрэмжийг нь шагшин магтаж байгаа гэнэ. “Дуудах нэрийг аав, ээж өгдөг. Дурсагдах нэрийг өөрөө олдог” хэмээн ярьдаг. Аав, ээжээсээ Зоригтбаатар гэх нэрийг авсан тэрбээр “Цахилгаан зоригоо” хэмээн бөхөд хайртай монголчууддаа хүндлэгдэж яваа хийморьтой эр билээ. Түүний барилдааныг тайлбарласан Монгол Улсын начин, бөх тайлбарлагч Б.Адъяахүү “Зоригтой юм. Хоёр гарын ажиллагаа сайн юм. Уран юм, тансаг юм, гоёхон юм” хэмээн дуу алдсан нь бий. Б.Зоригтбаатар харцага мөлчийтөл мөлжсөн шагай шиг шалавхан биетэй ч эмгэг хангал шиг тэсэрч барилддаг нь даанч гоёхон. Үндэсний бөхийн өвөрмөц содон дүр, уран тансаг барилдаанаараа гайхуулж яваа эгэл малчны хүү үнэн зоригт харцага. Түүний барилдааныг шимтэн үзэж, ам уралдан ярих бөх сонирхогчид даан ч олон билээ. Барилдааныг нь үзэх дургүй хүн нэгээхэн ч үгүй гэхэд болно. 

          Тэрбээр "Монголчуудын өв соёлын Даншиг наадам-Хүрээ цам 2023" наадмын хүчит бөхийн барилдаанд Архангай аймгийн Батцэнгэл сумын харъяат улсын харцага Б.Зоригтбаатар найм даван түрүүлж, Даншигийн арслан цол хүртсэн. Б.Зоригтбаатар нь 28 настай бөгөөд 2013 онд сумын заан, 2016 онд цэргийн начин, 2017 онд аймгийн харцага, 2018 онд аймгийн арслан цол хүртэж байжээ. Өнгөрсөн 2020 оны Үндэсний их баяр наадмаар Архангай аймгийн Батцэнгэл сумын харьяат Батсүхийн Зоригтбаатар улсын харцага цол хүртсэн юм. Үүнээс гадна сумын заан цолтнуудын барилдаанд гурван удаа түрүүлсэн нь дээрх барилдааны үзүүр бөх Улсын начин Б.Түмэндэмбэрэлтэй зэрэгцэх амжилт билээ. Тэд аймаг, цэргийн цолтнуудын барилдаанд адил түрүүлж үзсэн. Харин Б.Түмэндэмбэрэл давсан бол хоёр бөхийн амжилт энэ зэрэгцэх байлаа. Б.Зоригтбаатар уг барилдаанд түрүүлсэн нь түүний улс, аймгийн цолтой бөхчүүдийн барилдааны хоёр дахь түрүү болсон билээ.

2017 онд аймгийн харцага, 2018 онд аймгийн арслан цол хүртэж байжээ. Өнгөрсөн 2020 оны Үндэсний их баяр наадмаар Архангай аймгийн Батцэнгэл сумын харьяат Батсүхийн Зоригтбаатар улсын харцага цол хүртсэн юм

          Цанхтай адуу шиг цахилаад эхэлбэл ямар ч аварга, арсланг өвдөг шороодуулж мэдэх Б.Зоригтбаатар харцага эр бяр нь тэгшрээд төрийн наадамд түрүүлж мэдэх торгон ирэн дээр байна даа. Нэг дайраад барилдвал давж байж л санаа нь амардаг. Элдүүр нь ханасан сур шиг живхийсэн сайхан эр дээ. үзэгчдийнхээ уухайгаар омогшиж барилддаг цахилгаан зоригоо цахилаад эхэлбэл, төрийн наадмын түрүү даан ч ойрхон байна даа.