Италийн Турин хотод энэ сарын 13-23-ны өдрүүдэд  болох дэлхийн оюутны спортын  32-р универсиад их наадам болно. Наадмын уран гулгалтын төрөлд Монгол Улсаа төлөөлөн эмэгтэй тамирчин О. Мишээл, түүний дасгалжуулагч Т. Накашимагийн хамтаар Универсиадын мөсөн гулгуурын талбайд хурд хүчээ сорин өрсөлдөхөөр болсон.

     Ийнхүү Монголын хоёр дахь уран гулгагч дэлхийн оюутны универсиад наадамд оролцох гэж байна. Монголоос анх удаагаа Г. Марал-Эрдэнэ 2019 оны ОХУ-ын Красноярск хотноо болсон универсиад наадамд оролцсон билээ. Энэ удаагийн наадамд 57 орны 2000 гаруй баг тамирчин, спортын 11 төрлөөр өрсөлдөх юм. Монголын баг тамирчдын хувьд тус наадамд уулын цана, уран гулгалт, гүйлтийн цана, шорт трейк, снөүборд зэрэг таван спортын төрөлд 20 хүний бүрэлдэхүүнтэй оролцоно.