Хятадын Харбин хотноо 2025 оны хоёрдугаар сарын 7-ны өдөр Азийн өвлийн спортын IX наадам нээлтээ хийнэ. Наадмыг зохион байгуулах хорооноос саяхан зарласан тэмцээний хуваарийн дагуу, эхний алтан медальтан  наадмын эхний өдөр буюу хоёрдугаар сарын 8-ны өглөө богино зайн гүйлтийн тэшүүрийн холимог багийн 2000 метрийн буухиа, чөлөөт цанын “U” хэлбэрийн талбайн ур чадвар, кёрлингийн холимог гурван финалын төрлөөс тодрох ажээ.

    Кёрлингийн тэмцээн удаан үргэлжилдэг тул бусад хоёр төрлөөс анхны алтан медаль тодрох магадлал ихтэй гэнэ. Хятадын тамирчин Гү Айлин буюу Eileen Gu энэ улирлын “FIS U” хэлбэрийн талбайн ур чадварын дэлхийн цомын тэмцээний эхний гурван тэмцээнд түрүүлжээ. Тэрбээр чөлөөт цанын гулгалтын дэлхийн цомын алтан 17 медалийг авч буйгаараа уг төрлийн тамирчдын чансааны нэгдүгээрт бичигдэж байгаа юм. Хэрэв тэмцээн хуваарийн дагуу явагдвал Азийн өвлийн спортын наадмын анхны медалийг Хятадын тамирчид хүртэж боломжтой байна.