Ази тивийн олимпын зөвлөлөөс 2024-2028 оны циклд ажиллах байнгын хороодын бүрэлдэхүүнийг өнгөрсөн аравдугаар сард шинэчлэн баталсан билээ. ОУОХ-ны гишүүн, МҮОХ-ны ерөнхийлөгч Б. Баттүшиг нь Соёлын байнгын хорооны даргаар сонгогдон ажиллаж байгаа. Тус хороо цахимаар хуралдаж, Соёлын хорооны үйл ажиллагааг идэвхжүүлэх, спорт болон соёлын үйл ажиллагааны харилцан уялдааг хангах, эртний уламжлалт соёл урлагийн арвин түүх бүхий Азийн 45 орны онцлогийг Азийн наадам болон спортын томоохон арга хэмжээний үеэр хэрхэн сурталчлах зэрэг өргөн хүрээнд хэлэлцэж, төлөвлөгөөний дагуу ҮОХ-д болон тухайн наадмыг зохион байгуулах хороодтой нягт хамтран ажиллахаар шийдвэрлэв.