Бодибилдингийн спортын гавьяат тамирчин Б.Сугарсүрэн түүхэн амжилт үзүүллээ. Тэрбээр Олон улсын бодибилдингийн хамгийн том холбоо болох” IFBB”-ийн эмэгтэйчүүдийн дэлхийн аваргын тэмцээнээс алтан медаль хүртлээ. Монгол Улсын гавьяат тамирчин, Монголын бодибилдинг фитнесийн хөгжлийн холбооны тамирчин, Батбуянгийн Сугарсүрэн ДАШТ-ээс алтан медаль хүртсэн нь манай улсын хувьд түүхэн үйл явдал болж байна. Дэлхийн 203 орныг эгнээндээ нэгтгэсэн “IFBB”-ийн энэхүү тэмцээн энэ сарын 16-19-ний өдрүүдэд Япон Улсын Токио хотод болсон юм. Олон улсын бодибилдингийн шилдэг 1500 тамирчин уг тэмцээнд оролцсон бол аварга нь манай улсаас тодорч, алтан медаль хүртсэнээр Монгол Улсынхаа төрийн дууллыг анх удаа“IFBB”-ийн дэлхийн бодибилдингийн аваргын тавцанд эгшиглүүлж чадав.