Үндэсний эрх чөлөө, тусгаар тогтнолоо сэргээсний 113 жилийн ойн босгон дээр зэвсэгт хүчний “Алдар” спорт хороо 2024 оны тэргүүнүүдээ шалгарууллаа. 2024 оны шилдгүүд дараах байдлаар тодорч шагналаа гардан авлаа.

Үүнд:

• “Тэргүүний офицер” дэд хурандаа Х.Хаш-Эрдэнэ

• “Шилдэг дасгалжуулагч” хошууч Н.Эрдэнэбаатар

• “Тэргүүний ахлагч” дэд ахлагч М.Энхжаргал

• “Тэргүүний ажилтан” албан хаагч О.Цэцэгбал

• “Шилдгийн шилдэг тамирчин” У.Сүрэнжав

• “Шилдэг тамирчин” Г.Болор-Эрдэнэ

• “Шилдэг өсвөрийн тамирчин” О.Сумъяабазар

• “Тэргүүний баг хамт олон”-оор Үндэсний шагайн харвааны баг шалгарлаа.

      Энэ онд “Алдар” спорт хорооны спортын 18 төрлийн баг тамирчид Биеийн тамир, спортын улсын хорооны төлөвлөгөөний дагуу бүх шатны 286 уралдаан тэмцээнд давхардсан тоогоор 1500 гаруй тамирчин амжилттай оролцож 515 алтан медаль, 345 мөнгөн медаль, 378 хүрэл медаль нийт 1238 медаль хүртжээ.

     Мөн спортын цол зэрэгтэн спортын есөн төрлөөр 29, Монгол Улсын рекорд амжилтыг таван төрлөөр 23 удаа шинэчлэн тогтоож, Үндэсний бөхийн улсын цолтон тав, чимэг нэмсэн хоёр, аймаг цэргийн цолтон 12, үндэсний сур, шагайн харвааны улсын цолтон найм, аймгийн цолтон гурав тус тус төрөн гарсан байна.

    Улиран одож буй 2024 ондоо “Алдар” спорт хороо нь өмнөө тависан зорилгоо биелүүлж хүн төрөлхтний их наадам “Парис-2024” олимпын наадмаас алт, мөнгөн медаль хүртэж Монгол Улс, зэвсэгт хүчний нэрийг өндөрт өргөсөн байна.