БТСУХ, Монголын самбо бөхийн холбоо, Монголын оюутны спортын холбооноос хамтран спорт болон байлдааны самбо бөхийн оюутны улсын аварга шалгаруулах тэмцээнийг зохион байгуулав. Энэ удаагийн УАШТ Спортын төв ордонд 2024 оны арван хоёрдугаар сарын 26-ны өдөр болж дүнгээ гаргалаа. Тус тэмцээний байлдааны самбо бөхийн төрөлд -72 кг-ын жинд Говь-Алтай аймгийн Тонхил сумын харьяат, спортын мастер Б.Дөлгөөнтуяа амжилттай оролцож хүрэл медаль хүртсэн байна.

     Тэрбээр олимпын таэквондо, мөн спорт болон байлдааны самбо бөх, гардан тулааны спортоор тэмцээн, уралдаанд оролцдог юм.  Б.Дөлгөөнтуяа өмнө нь Монголын оюутны спортын наадмын таэквондогийн төрөлд хоёр удаа түрүүлж, хошой алтан медаль хүртэж байсан билээ.