Олон улсын жүдо бөхийн холбоо “IJF”-ээс эрэгтэй, эмэгтэй жингүүдийн дэлхийн чансааг тэргүүлж яваа бөхчүүдийг зарлассан билээ. Манай улсаас “Бөртэ чоно-2024”-ийн “ эзэн “Шилдгийн шилдэг тамирчин”,  “Парис-2024” олимпын мөнгөн медальт, дэлхийн аварга, Азийн тивийн аварга, МУГТ Бавуудоржийн Баасанхүү “IJF”-ийн 48 кг-ын  жингийн дэлхийн чансааг 7167 оноогоор тэргүүлсэн.

    Харин эрэгтэй, эмэгтэй бүх жингүүдийг тэргүүлэгч нарыг оноогоор жагсаахад  Б.Баасанхүү 7167 оноогоор дэлхийн чансааны зургадугаарт эрэмбэлэгджээ. Дэлхийн чансааны нэгдүгээр 57 кг-ын жингийн олимп, дэлхийн аварга Канадын Chirta Deguch 10.140 оноогоор тэргүүлжээ. Хоёрдугаарт 70 кг-ын жингийн олимп, дэлхийн аварга Хорватын Barbara Matic 8029 оноогоор, гуравдугаарт 73 кг-ын жингийн олимп, дэлхийн аварга Азербайжаны Hidayat Heydarov 8004 оноогоор жагссан байна.