Жүдо бөхийн өсвөр үеийн дэлхийн аварга, “Токио-2024” их дуулгын хүрэл медальт, "Бөртэ чоно-2024" наадмын "Шилдэг залуу тамирчин" шагналын эзэн ОУХМ Тэрбишийн Ариунзаяа 2007 оны энэ өдөр Улаанбаатар хотод мэндэлжээ. Тэрбээр нийслэлийн Сүхбаатар дүүргийн ерөнхий боловсролын 2-р дунд сургуулийг сурагч, жүдо бөхийн “Гүрү Дожо” клубийн тамирчин билээ. Т.Ариунзаяа Жүдо бөхөөр гуравдугаар ангиасаа эхлэн хичээллэсэн. Одоо ес дэх жилдээ хичээллэж байгаа. 2016 онд анх удаа  Улаанбаатар хотын аварга шалгаруулах тэмцээний охидын 32 кг-ын жинд дөрвөн барилдаан хийж, хүрэл медаль хүртэж байв.

     Т.Ариунзаяа жүдо бөхийн өсвөр үе, залуучуудын УАШТ-д 11 удаа финалдаж, нийт гурван мөнгө, найман алтан медаль хүртэж байсан. Мөн Азийн аварга шалгаруулах тэмцээнээс хүрэл медаль, “IJF”-ийн цуврал тэмцээний найман алт, хоёр мөнгөн медальтай. Залуучуудын улсын аварга шалгаруулах тэмцээнээс 14,15,16 настайдаа тус тус оролцож хоёр алт, нэг мөнгөн медаль хүртэж байсан.  2023 онд жүдо бөхийн насанд хүрэгчдийн УАШТ-ий 52 кг-ын жинд хүрэл медаль хүртсэн. Испани, Итали Улсад болсон “IJF” Европын  цуврал тэмцээнээс алт, мөнгөн медаль авч байлаа. Тэрбээр 2024 оны насанд хүрэгчдийн УАШТ-ээс эхлээд 57 кг-ын жинд барилдах байгаа билээ.