Зүүн Азийн аварга шалгаруулах тэмцээний эхний шат энэ сарын 8-17-ны өдрүүдэд Хонконгод болж, Монголын шигшээ баг оролцсон байна. Тус тэмцээнд  манай шүүгч Э.Галбадрах ажиллажээ. Э.Галбадрах Монгол, Хонконг, Тайванийн багуудын нөгөө хэсгийн тоглолт болох Макао, Гуамын багуудын тоглолтын нэгдүгээр туслах шүүгчээр ажилласан байна.

      Азийн хөл бөмбөгийн холбооны “Элит”, МХБХ-ны "А" ангиллын шүүгч Э.Галбадрах энэ тэмцээнийг шүүн явуулсан тав дахь Монгол шүүгч болсныг онцлох нь зүйтэй. Э.Галбадрахаас өмнө 2016 оны долдугаар сард Б.Хаш-Эрдэнэ, Э.Ариунболд нар анх удаа Зүүн Азийн аварга шалгаруулах тэмцээий эхний шатанд ажилласнаар Монгол шүүгчид ажиллах эхлэлийг тавьж байсан түүхтэй.

      Харин тухайн оны арваннэгдүгээр сарын 12-ны өдөр Д.Түмэнбаяр, Ч.Жавхлантөгс, Э.Ариунболд, Б.Хаш-Эрдэнэ нарын дөрвөн шүүгч Зүүн Азийн хоёрдугаар шатны Тайвань, Гуамын тоглолтыг шүүж байв. Энэ нь монгол шүүгч нар бүтэн багаараа олон улсын тоглолт шүүсэн анхны тохиолдол байсан юм.