Монголын аялал жуулчлалын холбооны гишүүн “Газарчин” компанийн шугамаар Монголын бөхчүүд Вьетнам Улсын Фукуок аралд очсон байна. Тэд очсон газраа Монгол үндэсний бөхийн үзүүлэх барилдаан хийжээ. Фукуок арлын зүүн хойд хэсэг дэх Ган Дау хэмээх наран шарлагын газар зохион байгуулсан барилдааныг тэнд амарч буй гадаадын жуулчид үзэж сонирхсон байна. Үндэсний бөхийн “Нэгдэл” клубийн бөх  улсын заан Д.Хүдэрбулга, улсын харцага Г.Ганхуяг, Ш.Пүрэвгарьд тэргүүтэй арван бөх Фукуокт үзүүлэх барилдаан зохион байгуулжээ.