Мэргэжлийн сүмо бөхийн 2025 оны хацү башё банзүкэ зарлагдлаа. Ёкозүна Тэрүнофүжи Г.Ган-Эрдэнэ 20 дахь башёдаа ганцаараа ёкозүна цолтой барилдана. Энэ башё Озеки Котозакүра Цүнатори сайн барилдвал озеки, Хоошорюү С.Бямбасүрэн сайн барилдаж онцгой амжилт гаргавал ёкозүна болох боломжтой хариуцлагатай башё юм.  Вакамотохарү дөрвөн башёгийн дараа секиваке цолтой барилдахаар болжээ.

      Харин Вакатакакагэ арван башёгийн дараа саняакү цолтой барилдана. Өнгөрсөн башёд зүүний секиваке дээр эрэмбэлэгдэн барилдсан Киришима Б.Лхагвасүрэн маэгаширагийн барууны нэг дээр эрэмбэлэгдэн барилдана.  Хакү Охо найман башёгийн дараа макүүчид эргэн ирж маэгаширагийн зүүний 15 дээр эрэмбэлэгдсэн барилдах юм.

     Тамашохо Э.Энхманлай мэргэжлийн сүмод барилдаад 76 башёгийн дараа буюу хамгийн олон башё барилдсаны дараа макүүчи зиндаанд дэвшиж маэгаширагийн зүүний 16 дээр эрэмбэлэгдсэн байна.