Монголын үндэсний олимпын хорооноос 22 дахь жилдээ зохион байгуулж буй спортын салбарын шилдгүүдийг тодруулах “Бөртэ чоно-2024” наадам өчигдөр орой болж өндөрлөв. “Бөртэ чоно-2024”-ийн эзнээр “Парис-2024” олимпын мөнгөн медальт, дэлхийн аварга, Азийн тивийн аварга, МУГТ Бавуудоржийн Баасанхүү тодорч “Шилдгийн шилдэг тамирчин” болж, шилжин явах цомыг хүртэв.

     Харин Монголын жүдо бөхийн холбоо 2024 оны “Шилдэг холбоо”-оор шалгарч, ДАШТ-ий хүрэл медальт ОУХМ Лавжаргалын Анхзаяа “Шилдгийн шилдэг эрэгтэй тамирчин”-аар, өсвөр үеийн дэлхийн аварга, “Токио-2024” их дуулгын хүрэл медальт,өсвөрийн тамирчин, Тэрбишийн Ариунзаяа “Шилдэг залуу тамирчин”-аар, Монгол Улсын гавьяат тамирчин Мөнхбатын Бундмаа “Шилдэг дасгалжуулагч”-аар тус тус шалгарлаа.