“Эрүүл Монгол хүн” үндэсний хөдөлгөөн аяны хүрээнд “Илүүдэл жингүй эртэч Монгол, цаг гаргая” уриатайгаар энэ сарын 18-ны өдрөөс эхлэн үргэлжилж байна. Тус аян нь иргэдийг идэвхтэй хөдөлгөөнд өргөнөөр татан оролцуулах, идэвх сонирхлыг өрнүүлэх, бие даан хичээллэх эрмэлзлийг төрүүлэх зорилготой юм. Хан-Уул дүүргийн Биеийн тамир спортын хорооноос дүүргийн дэргэдэх хэлтэс албадын албан хаагчид болон оюутан залуучууд, өсвөр үе нийт 160 гаруй иргэнийг 06:30-08:00 цагийн хооронд спортын дөрвөн зааланд өглөөний дасгал хөдөлгөөнд хамруулан ажиллаж байна.