Аймаг, цэрэг, сумын цолтой болон залуу 256 бөхийн барилдаан ирэх бямба гарагт буюу 2024 оны арванхоёрдугаар сарын 21-ний өдөр 13.00 цагт “Монгол бөхийн өргөөн”-д болно. Тус барилдааны түрүү бөхийн бай шагнал найман сая төгрөгийн аяллын эрхийн бичиг байх юм. Мөн азтай үзэгч бас найман сая төгрөгийн аяллын эрхийн бичиг хүртэнэ. Хос тасалбар авч сугалаанд оролцох эрхтэй болох юм байна. Азтангууд Вьетнамын Натанг арлаар хостойгоо аялах ажээ. Тус барилдааны ерөнхий зохион байгуулагчаар “Монголын Үндэсний бөхийн холбоо”, үндэсний спортыг дэмжигч: “Cruise Tour Mongolia” ажиллана.