Монголын жүдо бөхийн холбооны насанд хүрэгчдийн улсын аварга шалгаруулах тэмцээн 2025 оны нэгдүгээр сарын 10-12-ны өдрүүдэд болно. УАШТ эрэгтэйчүүдийн 60, 66, 73, 81, 90, -100, +100 кг, эмэгтэйчүүдийн 48, 52, 57, 63, 70, -78, +78 кг-ын жингийн  ангиллаар явагдана. Холимог багийн тэмцээн эмэгтэй 57, -70, +70 кг, эрэгтэй -73, -90, +90 кг-ын жингийн ангиллаар болох юм. Тус УАШТ-ий эхний таван байрт шалгарсан тамирчид 2025 оны долдугаар сарын 25-27-ны өдрүүдэд болох “Улаанбаатар-2025” их дуулга тэмцээнд оролцох эрх хүртэх  юм байна. Харин багийн барилдаанд түрүүлсэн баг “Golden judogi” шилжин явах цом, медаль, өргөмжлөл хүртэнэ. Энэ удаагийн УАШТ “Монгол бөхийн өргөө”-д явагдана. Тэмцээний бүртгэл 2025 оны нэгдүгээр сарын 7-ны өдөр хаагдана.