Мэргэжлийн боксчин Г.Баярхүү, Японы боксчин Изүки Томиокатай мэргэжлийн боксын “WBO” холбооны Ази болон Номхон далайн аваргын бүсээ хамгаалах тулаандаа ялагдлаа. Г.Баярхүү арван  раунд тулалдасны зургадугаар раундаас хойш өрсөлдөгч боксчны урд гарын шулуун цохилтод удаа дараа оногдсоор төгсгөлийн үерүүгээ суларч ялагдав. Японы Томиокагийн хувьд жигд сайн ажиллагаатай зайгаа мэдэрдэг, зөв өрөлттөй, урд гарын ажиллагаан дээрээ шулуун болон хажуугийн цохилтуудаа холбосоор өөртөө ялалт авчирч чадлаа. Эхнээсээ тавдугаар раунд хүртэл манай боксчин Г.Баярхүүгийн урагш довтолсон ажиллагааг нь анхнаасаа хамгаалан явсан. Эсрэгээрээ Японы боксчин зургадугаар раундаас хойш өөрийн тактикын ажиллагаагаа хэрэгжүүлж чадлаа.