Чөлөөт бөх болон жүдо бөхийн багийн халз барилдаан эхэллээ. Тус барилдааны үеэр чөлөөтийн багийнхан Орхон аймгийн Баян-Өндөр сумын харьяат улсын начин Өлзийсайханы Батзул агсныг дурсаж, түүний зураг бүхий футболкоор жигдэрчээ. Ө.Батзул агсан үндэсний бөхөөс гадна чөлөөт бөхийн төрлөөр барилдахдаа Монгол Улсын аваргаар дөрвөнтөө тодорч, Азийн аварга шалгаруулах тэмцээнээс хоёр удаа мөнгөн медаль хүртсэн төдийгүй ДАШТ-д шагналт V байрт шалгарсан шилдэг хүчтэн байсан билээ.